MAI နှင့် မြန်မာနိုင်ငံရှိ ဦးဆောင်အဖွဲ့အစည်းများဖြစ်သည့် India Myanmar Chamber of Commerce (IMCC)၊ Indian Association of Myanmar (iAM)၊ Malaysian Association of Myanmar (MAM) နှင့် Singapore Association of Myanmar (SAM) တို့အကြား အထူးအရေးပါသည့် မိတ်ဖက်အဖွဲ့အစည်းများအဖြစ် ပူးပေါင်းဆောင်ရွက်ရေး သဘောတူစာချုပ် လက်မှတ်ရေးထိုးသည့်အခမ်းအနားကို ၂၀၂၃ ခုနှစ် မေလ ၃၀ ရက်နေ့တွင် အဆိုပါမိတ်ဖက်အဖွဲ့အစည်းများမှ အသင်းဝင်များနှင့်အတူ အောင်မြင်စွာ ကျင်းပခဲ့သည်။

အဆိုပါသဘောတူညီချက်၏ ရည်ရွယ်ချက်မှာ MAI နှင့် မိတ်ဖက်အဖွဲ့အစည်းများအကြား ပူးပေါင်းဆောင်ရွက်မှု ခိုင်မာလာစေရန်နှင့် စီးပွားရေးအခွင့်အလမ်းများကို ပိုမိုမြှင့်တင်ပေးရန်ဖြစ်သည်။ ထို့အပြင် ဤသဘောတူညီချက်အရ IMCC, iAM, MAM နှင့် SAM အဖွဲ့အစည်းများ၏ အသင်းဝင်များအား MAI နှင့် လိုက်ပါစီးနင်းရာတွင် အထူးသီးသန့်အကျိုးခံစားခွင့်များနှင့် လျှော့ပေါ့နှုန်းထားများကို ပေးအပ်သွားမည်ဖြစ်သည်။

ဤပူးပေါင်းဆောင်ရွက်မှုများမှတဆင့် မြန်မာနိုင်ငံ၏ ဦးဆောင်လေကြောင်းသယ်ယူပို့ဆောင်ရေးကုမ္ပဏီတစ်ခုအဖြစ် MAI ၏ ရပ်တည်မှုကို ပိုမိုခိုင်မာလာစေရန် MAI အပေါ် ယုံကြည်စိတ်ချမှုနှင့် ပံ့ပိုးပေးမှုများ ပေးအပ်သည့်အတွက် လှိုက်လှဲစွာကျေးဇူးတင်ရှိပါသည်။

#MAI #ModernComfortsGentleTraditions